បាត់ដំបង៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានរំលឹកដល់រដ្ឋមន្ត្រីក្រសួងកសិកម្ម លោក ឌិត ទីណា ឲ្យរកវិធីសាស្ត្រផលិតពូជស្រូវក្នុងស្រុក។

ថ្លែងក្នុងពិធីចែកពូជស្រូវនិងស្បៀងជូនពលរដ្ឋជាង ១ម៉ឺនគ្រួសារនៅក្នុងខេត្តបាត់ដំបង ព្រឹកថ្ងៃទី២៤ ខែតុលា ឆ្នាំ២០២២ សម្ដេចតេជោ ហ៊ុន សែន បានថ្លែងការផលិតគ្រាប់ពូជស្រូវបានក្នុងស្រុកគឺធានាបាននូវលទ្ធភាពផ្គត់ផ្គង់ពូជស្រូវដែលស្របតាមតំបន់នាថ្ងៃខាងមុខ។

សម្ដេចតេជោថា៖ «ដោយចាប់ផ្ដើមពីគំនិតផ្តួចផ្តើមរបស់រដ្ឋនៃការអប់រំមុនទិញផងហើយអាចប្រជាពលរដ្ឋរបស់យើងគាត់ទិញពូជសុទ្ធឬក៏យកស្រូវរបស់យើងក៏ដូចជាមួយនឹងស្រូវពូជ»។ 

ជាមួយគ្នានេះសម្តេចតេជោក៏ជំរុញឱ្យវិស័យឯកជនចូលរួមក្នុងការចងក្រងកសិករក៏ដូចជារៀបចំជួយដោះស្រាយនូវបញ្ហានេះផងដែរ។ 

សម្ដេចថា៖ «ពូជដែលបានគឺអាចថារដ្ឋបាលយក ឬក៏ឯកជនប្រមូលទិញ»។ 

សម្ដេចលើកឡើងថាការប្រើប្រាស់ពូជស្រូវសុទ្ធនឹងធ្វើឲ្យស្រូវទទួលបានទិន្នផលច្រើន ហើយការផ្លាល់ប្ដូរផ្នត់គំនិតនេះ សម្ដេចតេជោថា សម្ដេចបានចំណាយពេលអស់កន្លះជីវិតដើម្បីជំរុញអោយពលរដ្ឋចេះប្រើប្រាស់ពូជស្រូវ។ 

សម្ដេចថា៖ «តាំងពីខ្ញុំធ្វើជានាយករដ្ឋមន្ត្រីនៅឆ្នាំ១៩៨៥ គឺធ្វើកិច្ចការដែលសំខាន់ជាងគេគឺធ្វើយ៉ាងណាឲ្យតូចៗជាកសិកររបស់យើងផ្លាស់ប្ដូរឥរិយាបទ»៕ 

^{PHOTO: ហ៊ុន យុទ្ធគុណ}